कञ्चनपुरमा मोटरसाइकल दुर्घटना हुँदा एक जनाको ज्यान गएको छ। बेदकोट नगरपालिका–९ कोल्डस्टोर नजिक आइतबार साँझ भएको दुर्घटनामा शिविर बस्ने ४५ वर्षीय बहादुर रानाको मृत्यु भएको हो।
जिल्ला प्रहरी कार्यालय कञ्चनपुरका अनुसार रानाले चलाएको बा ६६ प २९६६ नम्बरको मोटरसाइकल अनियन्त्रित भई सडकबाट नालामा खस्दा उनी घाइते भएका थिए। घाइते अवस्थामै उनलाई उपचारका लागि महाकाली प्रादेशिक अस्पताल महेन्द्रनगर लगिएको थियो। तर, उपचारको क्रममा सोही दिन रानाको मृत्यु भएको प्रहरीले जनाएको छ।
