धनुषामा आज बिहान भएको सडक दुर्घटनामा दम्पतीमध्ये एकजनाको मृत्यु भएको छ भने एकजना गम्भीर घाइते भएका छन्। जनकपुर–ढल्केवर सडकखण्डअन्तर्गत मिथिला नगरपालिका–२ नक्टाझीज हजरा चोकमा जनकपुरबाट ढल्केवरतर्फ जाँदै गरेको बागमती प्रदेश ०१–०३१ च २०३६ नम्बरको कारले साइकलमा सवार दम्पतीलाई ठक्कर दिएको प्रहरीले जनाएको छ।
दुर्घटनामा मिथिला नगरपालिका–१ लक्ष्मी निवासका ६० वर्षीय राजकुमार महतो गम्भीर घाइते भएका छन् भने उनकी ५५ वर्षीया पत्नी सुमित्रा देवीको घटनास्थलमै मृत्यु भएको छ। गम्भीर घाइते महतोको उपचार भैरहेका प्रहरीले जानकारी दिएको छ।
