Iran, Israel र United Statesबीच बढ्दो द्वन्द्वले पश्चिम एसियामा रहेका मात्रै होइन, विश्वभर रहेका सबै नेपालीमा चिन्ता थपेको छ। खाडी क्षेत्रका विभिन्न मुलुकमा कार्यरत १७ लाखभन्दा बढी नेपालीको सुरक्षालाई लिएर परिवार, आफन्त र समुदायमा त्रास बढिरहेको छ।
परराष्ट्र मन्त्रालयका अनुसार United Arab Emirates, Saudi Arabia, Qatar, Kuwait, Iraq, Bahrain, Oman, Israel लगायत मुलुकमा ठूलो संख्यामा नेपाली कार्यरत छन्।
यदि द्वन्द्व थप चर्कियो र ती देशहरू प्रत्यक्ष प्रभावमा परे, आकस्मिक उद्धार चुनौतीपूर्ण बन्ने देखिएको छ। सीमित उडान क्षमता, ठूलो जनसंख्या र भौगोलिक दूरीका कारण एकैपटक सबैलाई सुरक्षित रूपमा स्वदेश ल्याउनु कठिन हुने अनुमान गरिएको छ।
सरकारले र्यापिड एक्सन टिम गठन गरी तयारी थालेको जनाएको छ भने कूटनीतिक माध्यमबाट नेपालीको सुरक्षा सुनिश्चित गर्ने प्रयास भइरहेको बताइएको छ।
यद्यपि वास्तविकता के हो भने यस्ता अन्तर्राष्ट्रिय संकटका बेला सबै नेपाली एकजुट भई सूचनामा सचेत रहनु, आधिकारिक सूचना मात्र विश्वास गर्नु र संयमित रहनु अत्यन्त आवश्यक छ।
मध्यपूर्वको विकसित परिस्थितिले अब सरकारको तयारी मात्र होइन, विश्वभर रहेका नेपाली समुदायको एकता र समन्वयको पनि परीक्षण गर्ने देखिएको छ।
